Íþróttir og tómstundir

Badmintonfélag Akraness býður upp á æfingar  fyrir 1. flokk, 2. flokk og 3. flokk. Auk þess býður félagið upp á Trimm hóp. Á sunnudögum er opið hús milli 13 og 15 og á þeim tíma eru allir velkomnir. Þá eru opnar æfingar og foreldrar og systkini geta komið með iðkendum og spilað með.

Björgunarfélag Akraness er öflug björgunarsveit sem starfar bæði til sjós og lands. Sveitin er vel tækjum búin og í henni starfar öflugur hópur fólks. 

Blakfélagið Bresi er aðildarfélag innan ÍA og æfa með félaginu um 20 konur á öllum aldri. Bresi tekur þátt í Íslandsmóti Blaksambands Íslands, Öldungamóti sem haldið er á hverju ári ásamt hraðmótum sem eru jafn og þétt yfir veturinn. Blak er stórskemmtileg íþrótt og er félagsskapurinn ekki af verri endanum. 

Vettvangur starfsemi Þorpsins er frítími og forvarnir og er megináherslan  lögð á barna- og unglingastarf.

Golfklúbburinn Leynir býður upp á öflugt félagsstarf fyrir allan aldur

Hnefaleikafélga Akraness HAK býður upp á krakkabox fyrir börn 8-14 ára. Auk þess er boðið upp á þrek og þol og  sparr og tækni sem er fyri eldri iðkendur.  Tilgangur félagsins er að kenna og iðka ólympíska hnefaleika og gæta hagsmuna félagsmanna.

Hvíta húsið er ungmennahús fyrir ungmenni á aldrinum 16 - 25 ára. Hvíta húsið er staðsett á Suðurgötu 57 (1.hæð í gamla Landsbankanum). Dagstarf Hvíta hússins fer fram í Frístundamiðstöðinni Þorpinu við Þjóðbraut 13.  

Íþróttalífið á Akranesi er fjölbreytt og nær til allra aldurshópa. Öll aðstaða til íþróttaiðkunar er til staðar á Akranesi og iða íþrótta- og tómstundamannvirki bæjarins af lífi frá morgni til kvölds. Á Akranesi starfar eitt öflugasta íþróttafélag landsins, Íþróttabandalag Akraness

Karatefélag Akraness,  KAK hefur það  meginmarkmið að bjóða upp á eins góða karatekennslu og völ er á hverju sinni og þroska bæði líkamlegt og andlegt atgervi félagsmanna. KAK býður upp á æfingar fyrir börn frá 6 ára aldri en einnig fyri unglinga og fullorðna.

Keilufélag Akraness býður upp á æfingar fyrir börn í 5.-7. bekk og 8.-10.bekk. Auk þess eru opnar æfingar fyrir ungmenni og einnig er FEBAN félag eldri borgara með æfingar reglulega. Markmið félagsins er að stuðla að iðkun keilu og glæða áhuga á þeirri íþrótt.

Klifurfélag ÍA býður upp á skipulagðar æfingar í klifri fyrir iðkendur frá 5-15 ára. Einnig eru starfræktir sér æfingahópar fyrir fullorðna, sem og hópur fyrir ungmenni á framhaldsskólaaldri.

Knattspyrnufélag ÍA stendur er eitt af stærri félögum innan ÍA og heldur úti æfingum fyrir börn á öllum aldri auk þess að vera með lið í efstu deildum. Markmið og tilgangur félagsins er að iðka knattspyrnu, efling knattspyrnu-, æskulýðs- og félagsmála svo og að stuðla að bættri aðstöðu til iðkunar knattspyrnu á Akranesi.

Knattspyrnufélagið Kári hefur verið starfrækt í núverandi mynd frá árinu 2011, en félagið heldur úti metnaðarfullu liði í meistaraflokki karla sem hefur verið í stöðugri sókn síðustu ár. Tilgangur félagsins er að vera til staðar fyrir þá drengi og menn sem vilja stunda knattspyrnu hér á Akranesi í metnaðarfullum og skemmtilegum hópi. 

Tilgangur Kraftlyftingafélag Akraness er að kenna og iðka kraftlyftingar og gæta hagsmuna félagsmanna. Félagið leggur áherslu á að félagsmenn keppi eftir þeim reglum sem gilda hjá Íþrótta- og Ólympíusambandi Íslands hverju sinni. 

Körfuknattleiksfélag ÍA býður upp á æfingar fyrir  börn frá 1. og upp í 10. bekk. Einnig er boðið upp á æfingar í drengja- og unglingaflokki auk eldribolta fyrir eldra komna. Félagið heldur einnig úti meistaraflokki karla.

Markmið Skotfélags Akraness er að iðka skotfimi, glæða áhuga á þeirri íþrótt og stuðla að bættri aðstöðu til iðkunnar hennar. Skotfélag Akraness er með aðsetur við rætur Akrafjals. 

Smiðjuloftið er glænýtt afþreyingarsetur að Smiðjuvöllum 17 á Akranesi. Hér geturðu skellt þér í klifur, tekið þátt í fjölskyldutímum, tónlistarnámskeiðum og uppákomum og haldið upp á barnaafmæli. Við tökum einnig á móti hópum í fjölbreytta afþreyingu og skemmtun.

Ungmennafélagið Skipaskagi, skammstafað USK er með heimili og varnarþing á Akranesi. Markmið félagsins eru að auka áhuga félagsmanna og almennings á líkamsrækt og stuðla að alhliða íþróttaiðkun.

Ægir gym bíður upp á fjölbreytta dagskrá undir leiðsögn menntaðra þjálfara frá kl. 05:45 til kl. 21:30 virka daga, frá kl. 10:00 til kl. 14:00 á laugardögum og kl. 11:00 til kl. 14:00 á sunnudögum.  

Hlutverk Tónlistarskólans á Akranesi er að stuðla að öflugu tónlistarlífi, jafnframt því að vinna að aukinni hæfni, þekkingu og þroska einstaklinga. Áhersla skal lögð á að skólinn þjóni öllum þeim sem eftir tónlistarnámi sækjast án tillits til aldurs, ennfremur ber skólanum að taka tillit til margbreytilegra áhugasviða nemenda, getu þeirra og þroska. Tónlistarskólinn á Akranesi býr við góðan aðbúnað til kennslu að Dalbraut 1 og býður upp á fjölbreytileika í skólastarfinu.  Skólastjóri Tónlistarskóla Akraneskaupstaðar er Jónína Erna Arnardóttir, sem veitir jafnframt nánari upplýsingar í tölvupósti og í síma 433-1900. Hægt er að nálgast nánari upplýsingar um Tónlistarskólann á heimasíðu skólans.