Frístundir og sumarnámskeið

Knattspyrnuskóli Norðanfisks á vegum Knattspyrnufélags ÍA

Meginmarkmiðið er að börn læri undirstöðuatriði í fótbolta á leikrænan og skemmtilegan hátt. Lögð er áhersla á grunntækni í knattspyrnu og að allir fá verkefni við sitt hæfi. Skipt verður í hópa eftir aldri og unnið í litlum hópum til að hámarka fjölda snertinga við boltann hjá hverjum iðkanda. Mikilvægt er, að æfingar barna á þessum aldri séu fjölbreyttar og stuðli að bættum skyn- og hreyfiþroska.

Knattspyrnuskólinn er kjörinn vettvangur fyrir nýja iðkendur til að kynnast grunnatriðum íþróttarinnar en er jafnframt ætlaður börnum sem æfa fótbolta og vilja skemmtilega viðbót við hefðbundnar æfingar.

Iðkendur geta mætt kl.09:00 í Akraneshöll þar sem þjálfarar taka á móti börnunum og verður frjáls tími í höllinni þar til knattspyrnuskólinn hefst kl.10.

 Knattspyrnuskóli Norðanfisks hefst kl.10:00 á æfingasvæði ÍA. Kennt er alla virka daga frá kl.10:00-12:00.

Hverju námskeiði lýkur með knattþrautum og grillveislu.

Börnin þurfa að taka með sér nesti og vatn í brúsa.

 Alls verða sjö vikur í boði í sumar og eru það eftirfarandi vikur:

  • Vika 1. 7.júní - 10.júní
  • Vika 2. 20.júní -24.júní
  • Vika 3. 27.júní - 1.júlí
  • Vika 4. 4.júlí - 8.júlí
  • Vika 5. 11.júlí - 15.júlí
  • Vika 6.   8.-12.ágúst
  • Vika 7.   15. - 19 ágúst

 

 

Skráning og greiðslufyrirkomulag

Skráning fer fram í gegnum Sportabler appið eða https://www.sportabler.com/shop/kfia